Close

Kennaranámskeið

Kennara-

námið

okkar.

Body Reroll er æfingakerfi frá Heklu Guðmunds sem samanstendur af bandvefslosun, hreyfi- og djúpteygjum og slökun.

Líkami þinn á skilið annað tækifæri!

Body Reroll er æfingakerfi sem hjálpar þér að líða betur í eigin líkama. Þetta æfingakerfi hentar öllum, allt frá byrjendum til afreksfólks í íþróttum.

Í Body Reroll notum við bolta til að nudda auma vöðva og bandvef líkamans og gerum einnig teygjur. Bandvefur er stoðvefur sem hefur þann tilgang að tengja saman mismunandi vefi og vera milliliður í flutningi næringarefna og taugaboða. Ef rennsli milli bandvefslaga minnkar verður vefurinn þurr sem getur haft áhrif á hreyfigetu. Bakverkir, höfuðverkir og skert hreyfigeta eru algengar afleiðingar af of stífum bandvef.

Stífni í herðablaði getur leitt upp í höfuð og stífni í mjöðm og lærum geta einnig haft mikil áhrif á bakið.

Body Reroll getur hjálpað til við að:

draga úr verkjum og minnka vöðvaspennu,

auka hreyfifærni, hreyfanleika og liðleika,

bæta líkamsstöðu,

undirbúa líkamann fyrir átök,

og draga úr streitu og flýta fyrir endurheimt.

Þetta eru rólegir tímar sem henta öllum.

Næsta námskeið verður haldið helgina 18 og 19 september og er uppselt á það. 30. og 31. október 5 pláss laus. Frekari upplýsingar og bókun með því að senda póst á hekla@bandvefslosun.is

 

, Kennaranámskeið
, Kennaranámskeið

Meðmæli með kennaranámskeiðinu, námskeiðum og tímum.

Ég er 53 ára og hef alltaf verið vel virk og stundað þannig æfingar sem krefjast hraða og styrks ég hélt það væri það eina til að ná árangri. Vinkona mín benti mér á kennaranámskeið hjá Heklu Guðmundsdóttir og ég ákvað að skella mér á námskeiðið.
Fyrri dagurinn snerist um sýnikennslu á beinagrindinni Bubba til þess að við sjáum hvaða árhrif boltarnir hafa á innri líkamann, bandvefinn, taugar og æðakerfið.
Seinni dagurinn fórum við í æfingarnar um hvernig við rúllum líkamann, hér voru margar og góðar æfingar ásamt ítarlegum útskýringum á hvað við vorum að vinna með í hverri rúllu.
Hekla er með mikla reynslu og þekkingu um líkamann, kennir af áhuga og heilhug og svarar öllum vangaveltum sem upp koma. Hekla segir svo vel og vandað frá að það var aðdáunarvert að læra hjá henni, allt vel skipulagt og kennt á áhugaverðan hátt. Það sem kom mér mest á óvart var hvaða áhrif þetta hafði á mig líkamlega mér fannst losna um stíflur og líkaminn varð mun léttari en ekki svona stífur eins og áður. Orkan reis upp og ég er ekki svona þreytt á líkama og sál. Líkaminn er ekki alveg svona ókunnugur eins og hann var heldur veit ég svo miklu meira, hlusta betur á líkamann minn og hvað hann er að segja mér. Harkið sem ég var í var ekki það sem mig vantaði ég þurfti að hægja á mér og líðanin er svo miklu betri. Kosturinn við námskeiðið er eftirfylgnin sem Hekla býður upp á til að halda okkur við efnið og geta fengið svör við því sem á efir að koma upp. Hekla er viskubrunnur, notaleg og með yndislega nærveru sem skilar sér svo vel í kennslunni. Ég er miklu fróðari eftir kennaranámskeiðið í bandvefslosun (Body Reroll) og mæli ég eindregið með kennaranámskeiðinu fyrir alla það kemur virkilega á óvart. Takk fyrir mig Hekla Guðmundsdóttir.
Kveðja Svanhvít Una Yngvadóttir.

Ég er búinn að vera í þjálfun fyrir Laugavegshlaupið síðan í september. Þjálfunin setur mikið álag á líkamann og sérstaklega fætur og hné. Ég nota tíma í Body Reroll til að vinna á móti þessu álagi og hafa þeir reynst mér nauðsynlegir, viðhalda styrk og liðleika og hjálpa til við endurheimt. Hekla er að auki áhugasöm, fræðandi og gefur frá sér jákvæða orku sem maður tekur með sér úr hverjum tíma.

Sturla Þór Björnsson

Mikið sem ég er þakklát fyrir að hafa fundið þessa leið til að hjálpa líkamanum og að fá að kynnast þvílíku yndi sem Hekla er. Get ekki hugsað mér að sleppa þessu í minni rútínu. Mín allra bestu meðmæli.

Sæunn Sæmundsdóttir

Ég hef starfað sem þjálfari í 21 ár, þjálfað afreksfólk og verið í kringum þjálfara sem eru fremstir í heiminum i sínu fagi. Ég hef aldrei kynnst neinum þjálfara á mínum ferli sem er eins annt um sína nemendur og Hekla. Hún man öll nöfn, man eftir öllum meiðslum og fylgir árangninum og framförunum eftir betur en nokkur annar. Gæti ekki mælt meira með henni. Snillingur og fagmaður í sínu fagi.

Jón Viðar Arnþórsson
jQuery('.submit_button').click(function(){ alert("Clicked"); window.location.href="http://smashingmagazine.com"; });