Close
Call Us 8610447
Stay connected:
Covid 19

Eftirstöðvar Covid 19, kvíði og streita eftir langvarandi álag. Er streitan að læðast aftan að þér?

Mjög sérstöku tímabili er vonandi að ljúka þegar þorri landsmanna hefur nú fengið
bólusetningu en þegar fréttir bárust af fyrsta Covid smitinu hérlendis átti sennilega
enginn von á hversu mikil áhrif faraldurinn myndi hafa á okkur. Fjöldi fólks fór
heim með tölvuna sína. Sumir tóku stólinn líka með sér, aðrir hugsuðu að þetta yrði
sennilega ekki langur tími, það tæki því nú ekki að drusla meira dóti með sér heim.
En svo fór að lengja og áður en við vissum af vorum við ekki bara farin að vinna
heima heldur var rækin komin heim, fjöldi matar- og kaffitíma voru fyrir framan
tölvuna í stað þess að fara út í hádeginu og við vorum að vinna jafnvel lengri
vinnudag fyrir vikið.

Við erum þeim hæfileikum gædd að aðlagast hratt að breyttum aðstæðum en eins
og kom í ljós eftir hrunið á sínum tíma þá hafa svona miklar breytingar og áföll
áhrif á okkur og kannast margir við bæði kvíða og svefnleysi, svo eitthvað sé nefnt,
í kjölfarið.

Fylgdu okkur á Intagram Lestu einnig upplýsandi blogg

Mikilvægi þess að halda taugakerfinu frá “fight or flight mode”, eins og það er
kallað, er mjög mikilvægt. Djúpöndun er frábær leið til að ná slökun sem er
mikilvægt fyrir líkamlega og andlega heilsu.

Það sem við getum gert er til dæmis að gefa okkur nokkrar mínútur á dag, þó ekki
væri nema að nudda iljarnar eða njóta þess að nudda vel valda punkta undir
kinnbeinum og fyrir aftan eyrun. Það er mjög slakandi og hefur góð áhrif á
taugakerfið. Nú þegar sumarið er að hefjast er ekki síst mikilvægt að gefa sér tíma
og nýta jafnvel fríið til að nudda líkamann og það er kjörið að taka boltana með sér
því að það fer ekki mikið fyrir þeim í töskunni. Ef við sitjum sem farþegar í bíl eða
í flugvél mæli ég með því að þið nýtið tímann vel, hver man ekki eftir að hafa
staðið upp stirður eftir langa ferð?

 

Gefum okkur tíma í sumar.

Hekla

Add Comment

Your email address will not be published. Required fields are marked *

jQuery('.submit_button').click(function(){ alert("Clicked"); window.location.href="http://smashingmagazine.com"; });